बागलुङ/गुठी संस्थानले बागलुङ कालिका भगवती गुठी व्यवस्थापन समितिको अध्यक्षमा कुमार खड्का नै रहेको बताएको छ । गुठीले मालपोत कार्यालयमा पठाएको पत्रमा कुमार खड्काकै नेतृत्वमा पुजा व्यवस्थापन गर्न आग्रह गरी पठाएको हो ।
२०८२ बैसाखमा निर्णय भइ समिति कार्यरत रहेकोमा अन्य प्राप्त सूचना उपर कारवाही प्रकृया नभएकोले अर्को निर्णय नभएसम्म कुमार खड्काकै नेतृत्वको समितिले काम गर्न गराउन भनिएको हो ।
केहीदिन अघि बागलुङ नगरपालिका वडा नं. १ ले प्रसिद्द बागलुङ कालिका भगवती गुठी व्यवस्थापन समितिको नयाँ समिति चयन भएको भन्दै स्विकृतिक ालागि गुठी संस्थानलाई पत्राचार गरेको थियो ।
वडा अध्यक्ष जयबहादुर केसीले गुठी संस्थानलाई गरेको सिफारिस पत्रअनुसार समिति गठन भइ सिफारिसका लागि आएअनुसार संस्थानलाई जानकारी गराएको पत्र लेखेका थिए ।
समितिका अध्यक्ष कुमार खड्काले भने भेला, अधिवेसन केही नभएको बताइसकेका थिए । अन्यथा निर्णय नभएसम्म कुमार खड्काको पदावधि आगामी २०८५ भदौ सम्मकार्यकाल रहने छ ।
