बागलुङ / प्रतिनिधिसभा सदस्य पदको निर्वाचनमा बागलुङ क्षेत्र नम्बर–१ बाट राष्ट्रिय स्वतन्त्र पार्टी (रास्वपा) का उम्मेदवार सुशिल खड्का जीतको नजिक पुगेका छन् । उनले नेपाली काँग्रेसका उम्मेदवारसंग फराकिलो मतान्तरसहित अग्रता कायमै राखेका छन् ।
हालसम्म गणना गरिएको ३५ हजार ७२७ मतमा रास्वपाका खड्काले कांग्रेसका श्रीसलाई ७ हजार ४२ मतले पछाडि पारेका छन् । खड्काले १५ हजार २११ मत प्राप्त गरेका छन् । कांग्रेसका श्रीसले ८ हजार १६९ मत प्राप्त गरेका छन ।
नेकपा एमालेका हिरा बहादुर केसीले ७ हजार १८३ मत प्राप्त गरेको मुख्य निर्वाचन अधिकृतको कार्यालय बागलुङका सहायक निर्वाचन अधिकृत पूर्ण प्रसाद शर्माले जानकारी दिए । राजमोका कृष्ण प्रसाद अधिकारीले ३ हजार ३० मत र राप्रपाका कल्याण विक्रम आचार्यले ३४६ मत प्राप्त गरेका छन् । मतगणना जारी छ ।
