जनकपुरधाम/ धनुषाको मिथिला नगरपालिकास्थित ढल्केवरको एक होटलमा पोखरा– १३ मियापाटनकी २३ वर्षीया जेनिसा विक मृत भेटिएकी छन् । जुन तारा स्टापलाइन होटलमा काम गर्ने विक सोही होटलमा आज मृत भेटिएकी हुन् ।
इलाका प्रहरी कार्यालय ढल्केवरका अनुसार आज बिहान ११ बजेतिर उनी मृत फेला परेको खबर आएको थियो । आज बिहान साढे ८ बजेतिर आमा सीता विकसँगै उनी होटेलमा पुगेकी थिइन् । होटेलको काउन्टरनजिकै लडेको अवस्थामा उनी मृत फेला परेको प्रहरी निरीक्षक लक्ष्मण केसीले जानकारी दिए । मृत्युको कारण खुलेको छैन ।
