पोखरा / नेपाली कांग्रेसका उपसभापति विश्वप्रकाश शर्माले पार्टीका पाका एवं अनुभवी नेता अर्जुननरसिंह केसीलाई राजनेता बन्न सुझाव दिएका छन् ।
नेपाली काँग्रेस गण्डकीले आज पोखरामा आयोजना गरेको निर्वाचन समीक्षा र काँग्रेसको अवको बाटो कार्यक्रमलाई सम्बोधन गर्दै शर्माले केसी अब दलको नेताबाट राजनेता बन्ने मार्ग अपनाउनु समयानुकूल हुने बताएका हुन् ।
शर्माले भने, ‘उहाँ (केसी) ले कांग्रेस संसदीय दलको नेता स्वयं बन्न चाहँदा हामीले हुन्न भन्न अप्ठ्यारो हुन्छ नै । त्यसैले हाम्रो अपेक्षा नेताको पदबाट राजनेता बन्ने मार्ग उहाँले अपनाउनु समयानुकूल हुन्छ ।’
‘२०४८ सालकै संसद्को अनुभवी व्यक्तित्व केवल अर्जुननरसिंह केसी मात्र हुनुन्छ िउहाँ सबैभन्दा ज्येष्ठ पनि हुनुन्छ । सबैभन्दा अनुभवी युवा ऊर्जा बोकेको योग्य व्यक्तित्व हुनुन्छ ित्यसैले हामीले उहाँलाई केवल कांग्रेसको मात्रै संसदीय दलको नेताका रूपमा होइन, सबै दलको एक साझा अभिभावकका रूपमा हेर्न चाहेका छौं,’ उनले भने ।
समानुपातिक कोटाबाट सांसद बनेका केसीले संसदीय दलको नेता बन्ने आकांक्षा राखेका छन् ।
