काठमाडौं / तुलसा कलेक्सनका नाममा ठगी गरेको आरोप तुलसी अधिकारी थाइल्यान्डबाट पक्राउ परेकी छन् । अन्तर्राष्ट्रिय प्रहरी सन्जाल इन्टरपोलको सहयोगमा पक्राउ परेकी उनलाई शनिबार काठमाडौं ल्याइएको जिल्ला प्रहरी ललितपुरका एसपी गौतम मिश्रले बताए ।
उनीविरुद्ध जिल्ला अदालत, ललितपुरमा सम्पत्ति शुद्धीकरण, आपराधिक लाभ र ठगी मुद्दा विचाराधीन छ । उनलाई आजै अदालतमा लगिने एसपी मिश्रले बताए ।
