पर्वत / राष्ट्रिय स्वतन्त्र पार्टी (रास्वपा) पर्वतको अध्यक्षमा जलबहादुर पुर्जा पुन निर्वाचित भएका छन् । शनिवार सम्पन्न उक्त पार्टीको प्रथम जिल्ला अधिवेशनले उनलाई जिल्ला सभापतिमा निर्वाचित गरेको हो ।
सभापतिमा सर्वसम्मत नेतृत्व चयन गर्ने प्रयास गरिए पनि गंगालाल रिमालले उम्मेदवारी फिर्ता नलिएपछि मतदान प्रक्रिया अपनाइएको थियो । २०७९ को प्रतिनिधिसभा निर्वाचनमा पर्वतबाट रास्वपाका उम्मेदवारसमेत रहेका पुर्जा सभापति निर्वाचित भएका हुन् ।
अधिवेशनबाट १० सदस्यीय जिल्ला कार्यसमिति समेत चयन गरिएको छ । कार्यसमितिको उपसभापतिमा शारदा कुमारी शर्मा, सचिवमा रामेश्वर गौतम तथा सहसचिवमा नारायण प्रसाद भुसाल निर्वाचित भएका छन् ।
