संखुवासभा/ संखुवासभाको मकालु गाउँपालिका–१ का शिक्षकको गोली हानी हत्या भएको छ । बिहिबार चिर्खाङस्थित कालिका आधारभूत विद्यालयमा कार्यरत सिलिचोङ गाउँपालिका–५ याफु घर भई विद्यालयमै बस्दै आएका ३६ वर्षीय शिक्षक नर कुबिर खम्बु राईको गोली हानी हत्या भएको हो ।
खाना खाइसकेपछि भाँडा धुन विद्यालयबाहिर निस्किएका बेला उनीमाथि गोली प्रहार भएको प्रहरीले जनाएको छ । अचानक बन्दुक पड्किएजस्तो आवाज आएपछि सोही विद्यालयमा बस्ने शिक्षिका टिकामाया राई बाहिर निस्केर हेर्दा नर राई ढलेको र शरीरबाट रगत बगिरहेको अवस्थामा फेला पारिएको थियो ।
घटनाको अनुसन्धानका लागि संखुवासभा, मकालु–१ सिउँडीबारी बस्ने ३३ वर्षीय पत्न कुलुङ राईलाई घटनामा प्रयोग भएको भरुवा बन्दुकसहित पक्राउ गरी थप अनुसन्धान भइरहेको प्रहरीले जनाएको छ ।
