पोखरा / गोरखाको चुमनुब्री गाउँपालिका-४ मा मान्द्रुङ खोलामा आएको बाढीले ४ वटा घर बगाएको छ । गएराति साढे ३ बजेको समयमा आएको बाढीले चुमनुब्री गाउँपालिका-४ नाम्रुङका नुर्वु ओङ्ग्याल, उर्गेन छयोदेन, लाक्पा भुटी र दोर्जे ग्याल्जेनको घर बगाएको गाउँपालिका अध्यक्ष निमा लामाले जानकारी दिए ।
भारी वर्षापछि मान्द्रुङ खोलामा बाढी आउँदा सो गाउँपालिकाको वडा नम्बर-४ र वडा नम्बर-२ जोड्ने फलामको पुल समेत बगाएको गोरखाका डीएसपी राजकुमार श्रेष्ठले जानकारी दिए । बाढीबाट मानवीय क्षति भने नभएको र अहिले वर्षा रोकिएका कारण खोला घट्ने क्रममा रहेको डीएसपी श्रेष्ठले बताए ।
