काठमाडौं / पूर्वमन्त्री सुमना श्रेष्ठले काठमाडौं महानगरपालिकाको मेयर पदमा उम्मेदवारी दिने भएकी छन् । सुमनाले बुधबार मेयर पदमा उम्मेदवारी दिने घोषणा फेसबुकबाट गरेकी हुन् । सुमना रास्वपाको पूर्वसहमहामन्त्रीसमेत हुन् ।
पछि रास्वपा छाडेकी उनले कुनै पार्टीबाट काठमाडौंको मेयर पदमा निर्वाचन लड्ने हुन् वा स्वतन्त्र भन्ने खुलाएकी छैनन् । उनले लेखेकी छन्ः ‘मैले जीवन र कर्मबाट आर्जन गरेको ज्ञान, सीप, अनुभव र विज्ञता अब काठमाडौंको समृद्धि, सुशासन र रूपान्तरणका लागि समर्पित आगामी स्थानीय निर्वाचनमा काठमाडौं महानगरपालिकाको मेयर पदमा उम्मेदवारी दिने घोषणा गर्दछु।’





