बागलुङ, ७ बैशाख– भीरमौरीको मह निकाल्न जंगलमा रहेको भीरमा पुगेका एक युवाको लडेर मृत्यु भएको छ । बागलुङको गल्कोट नगरपालिका–५ का ३३ बर्षिय पुरन रानाको शनिवार राती भीरबाट लडेर मृत्यु भएको प्रहरीले जनाएको छ । उनी साथीहरुसँग गल्कोट नगरपालिका –५ मै रहेको कौलेनीको जंगलमा मौरीको मह निकाल्न शनिवार साँझ घरबाट निस्केका थिए । अरु केही युवाहरु घाईते भएको प्रहरी निरिक्षक हेम केसीले बताए । रातको समयमा साबधानी नपनाएका कारण उनको मृत्यु भएको हुनसक्ने प्रहरीको अनुमान छ । घटनाको थप बिबरण आउन बाँकी छ ।