बागलुङ, १८ बैशाख – नेपाल प्रेस यूनियनले पत्रकार महासंघ बागलुङ शाखालाई स्वास्थ्य सुरक्षा सामग्री प्रदान गरेको छ । यूनियनका केन्द्रिय सदस्य दिलिप पौडेलले महासंघका अध्यक्ष दिल शिरीषलाई विहिवार विहान ती सामग्री हस्तान्तरण गरे । १५० थान मास्क र २० वटा स्यानीटाइजर हस्तान्तरण गरेको महासंघका सचिव राम थापाले वताए ।
सो अवसरमा १० थान प्रेस ज्याकेट केन्द्रिय सदस्य पौडेलले यूनियनका जिल्ला सभापति प्रदिप पन्तलाई प्रदान गरे । महासंघलाई प्राप्त मास्क र स्यानीटाइजर कार्यक्रममा उपस्थित पत्रकारहरुलाई नेपाल पत्रकार महासंघका निवर्तमान
केन्द्रिय सदस्य हरिनारायण गौतमले वितरण गरे ।
महामारीको समयमा फन्टलाईनमा रहेर रिपोर्टीङ गरीरहेका पत्रकारहरुको सुरक्षामा थोरै भएपनि सहयोग पुगोस भन्ने उदेश्यले स्वास्थ्य सुरक्षा सामग्री प्रदान गरिएको यूनियनका केन्द्रिय सदस्य पौडेलले वताए । यूनियनबाट महासंघलाई प्राप्त भएका सामग्री सवै पत्रकारहरुलाई वितरण गरिने महासंघका अध्यक्ष शिरीषले वताए । यूनियनका सभापति प्रदिप पन्तको अध्यक्षतामा भएको कार्यक्रमको सञ्चालन सचिव नारायण रिजालले गरेका थिए ।
