पोखरा, १ जेठ – अतिक्रमित भुमी लिपुलेक माग्दै पोखरामा राँके जुलुस निकालिएको छ । नेपाली काँग्रेस निकट नेपाल विद्यार्थी संघले लिपुलेक माग्दै प्रदर्शन गरेको हो । पोखरा महानगर २९ भण्डारढिकबाट निस्केको जुलुस नयाँ तालचोकसम्म पुगेको थियो । लिपुलेक तत्काल फिर्ता ल्याउनु पर्ने माग राख्दै विद्यार्थी नेताहरुले आफ्ना भनाई राखेका थिए । यसअघि पनि सीमा मिचिएको विरोधमा नेवि संघले पोखरामा प्रदर्शन गरेको थियो ।
