पोखरा, १७ भदौ – स्वास्थ्य विज्ञान प्रतिष्ठानमा सञ्चालित पे क्लिनिकमा परिक्षण गराएका एक जनामा कोरोना संक्रमण पुष्टि भएको छ । उनी २४ वर्षीय युवा हुन् । आफै पैसा तिरेर कोरोना परीक्षण गराउन आएका ती युवामा कोरोना संक्रमण भएको गण्डकी प्रदेश स्वास्थ्य निर्देशनालयले जानकारी दिएको छ । पे क्लिनिकमा परिक्षण गराएको यो गण्डकी प्रदेशको पहिलो घटना हो । कोरोना भाइरससँग मिल्दो जुल्दो लक्षण देखिएपछि उनी पे क्लिनिकमा गएर स्वाब दिएका थिए । पेशाले डोजर व्यवसायी रहेका ती संक्रमित युवाको घर तनहुँको ब्यास नगरपालिका-६ मा भएपनि हाल पोखराको अमरसिंहचोकमा बसोबास गर्दै आएका थिए ।
