बागलुङ, १८ भदौ– गण्डकी प्रदेश प्रमुख अमिक शेरचनले बागलुङको ढोरपाटन नगरपालिकामा गए रातिको अविरल वर्षासँगै आएको पहिरामा परी ज्यान गुमाउनेप्रति श्रद्धाञ्जलि अर्पण घटनाप्रति दुःख व्यक्त गरेका छन् ।
प्रदेश प्रमुखले बिहिबार एक शोक वक्तव्य प्रकाशित गरी भुजी खोला थुनिएर तटीय बस्तीमा बाढी पस्दा ढोरपाटन नगरपालिका वडा नं. ७, ८ र ९ का दर्जनाँै घरलगायतका भौतिक संरचना बगाएको तथा दर्जनौँ बेपत्ता भएको खबरले स्तब्ध बनाएको उल्लेख गरेका छन् । बाढीमा परी बेपत्ता भएकाको तत्काल खोजी तथा उद्दारका लागि खट्ने स्थानीय प्रशासन, नेपाली सेना, सशस्त्र प्रहरी, नेपाल प्रहरी तथा स्थानीयवासीप्रति उनले आभार प्रकट गरेका छन् ।
संकटको समयमा तत्काल उद्दार, राहत, पुनस्र्थापना तथा बाढीका कारण जोखिममा परेका वरपरका बस्ती संरक्षणमा तदारुकताका साथ आवश्यक प्रवन्ध मिलाउन सरकार एवं सम्बन्धित पक्षलाई प्रदेश प्रमुख शेरचनले अनुरोध गरेका छन् । पहिरोमा परी १३ जनाको मृत्यु भएको छ भने ४१ जना अभैm बेपत्ता भएका छन् ।