बागलुङ, २४ भदौ– गण्डकी प्रदेशका थप ११ जनामा कोरोना संक्रमण पुष्टि भएको छ । कास्किको पोखरा महानगरपालिकाका ९ जना, बागलुङको तमानखोला गाउँपालिकाका– १ का २६ बर्षिय पुरुष र नवलपरासि (सुस्ता पुर्व)को गैंडाकोट नगरपालिकाका–१ का ५४ बर्षिय पुरुष संक्रण पुष्टि भएको हो । पोखरा र बागलुङका १० जनाको क्षयरोग उपचार केन्द्र पोखरामा जाँच भएको थियो, भने गैंडाकोटका ५४ बर्षिय पुरुषको चितवन मेडिकल कलेजमा जाँच भएको हो । गण्डकी प्रदेशमा कोरोना संक्रमितको संख्या २ हजार ६ सय ७२ पुगेको छ । पोखरा महानगरपालिका–१३ का ३८ बर्षीय महिला साउदी अरबबाट आएकी हुन्, पोखरा– १७ का र वार्ड नखुलेका २२ र २४ बर्षका २ जना पुरुष भारतबाट आई क्वारेन्टाइनमा बसेका हुनभने अरुसबै संक्रमित व्यक्तिहरु कन्ट्याक ट्रेसिङका हुन् । उनीहरु सबैलाई आईसोलेसन केन्द्रमा लैजाने तयारी भैरहेको स्वास्थ्य निर्देशनालय पोखराले जनाएको छ ।
