नवलपुर, २३ असोज– नारायणी नदीमा माछा मार्ने क्रममा गोहीले आक्रमणबाट मानिस घाईते भएका छन् । नवलपुरको मध्यबिन्दु नगरपालिका वडा नं. ६ का २८ बर्षका लालबहादुर बोटे घाईते भएका हुन् । जिल्ला प्रहरी कार्यालय नवलपुरका डिएसपी मोहनबहादुर खाँणका अनुसार नदीमा माछा मार्न गएका बोटेलाई अचानक गोहीले आक्रमण गरेपनि गोहीको मुखबाट उनी उम्कन सफल भए तर गम्भीर घाईते भएका छन् । घाईते बोटेलाई डण्डास्थित मध्यबिन्दु जिल्ला अस्पतालमा उपचारका लागी पुर्याईएको छ ।
