पोखरा/ प्रहरीले लागूऔषध कारोबार गर्ने गिरोहलाई नै पक्राउ गरेको छ । लागूऔषध नियन्त्रण ब्यूरो शाखा कास्कीबाट खटिएको टोलीले पोखरा १ बगर बस्ने ४९ वर्षीय अर्जुुनकुमार गुरुङसहित भैरहवा बस्ने रमेश गुप्ता भनेर चिनिने प्रकाश बानियाँ तथा बुटवल मैनाबगर बस्ने ३४ वर्षीया शुभादेवी हरिजनलाई पक्राउ गरेको हो ।
गुरुङलाई पक्राउ गरी कानुनी कारवाही गरिरहँदा उनले भैरहवा र बुटबलबाट लागूऔषध पोखरा भित्र्याउने सूचना पाएपछि गिरोह नै पक्राउ गर्न प्रहरी सफल भएको हो । गुप्ता र हरिजनलाई बिहीबार पक्राउ गरिँदा उनीहरुको साथबाट ठूलो परिमाणमा लागूऔषध बरामद भएको प्रहरीले जनाएको छ ।
