पोखरा/ गण्डकी प्रदेश सरकारका भौतिक पूर्वाधार,सहरी विकास तथा यातायात व्यवस्थामन्त्री कुमार खड्काले कास्की जिल्ला अदालतको भौतिक संरचना निर्माणको लागि सघाउने बताएका छन् । मंगलबार अदालत पुगेका उनले पानी चुहिएर मिसिल भिज्ने समस्या तत्काल सल्टाउने पनि बताए ।
मन्त्री खड्कालाइ स्वागत गर्दै जिल्लाका प्रमुख न्यायाधीश श्रीकृष्ण भट्टराईले ५० वर्ष पहिले बनेको पुरानो भवनका कारण इजलास चलाउनै समस्या भएको बताए । उनले पार्किङ स्थल, मेलमिलाप कक्ष,प्रशासनिक कक्ष, फर्निचर,कम्प्युटरको अभावले सेवा प्रवाहित भएको बताए । अदालतलाइक्षर्् अपाङ्गमैत्री बनाउन नसकिएको पनि उनको गुनासो थियो ।
नयाँ भवन बनाउनका लागि अर्थ मन्त्रालयबाट २ करोड विनियोजन भएको र जग्गा प्राप्ति भएमा थप बजेट निकासा गराउन सकिने उनले जानकारी गराए । आधुनिक संरचना बनाउनका लागि अहिले भैरहेको जग्गा अपुग हुने भएकाले जग्गाको खोजी भइरहेको उनको भनाइ थियो । यसका लागि वरिष्ठ अधिवक्ता कृष्ण थापाको संयोजकत्वमा समिति पनि गठन भइसकेको छ ।
