पोखरा – कास्कीको घान्द्रुकमा केहीबेर अघि जीप दुर्घटना हुँदा ठुलो मानविय क्षति भएको आशंका गरिएको छ । दुर्घटनामा परि केहिको मृत्यु भएको अनुमान गरिएपनि आधिकारीक जानकारी भने आएको छैन् ।
दुर्घटनामा परेका करिब ७–८ जनाको अवस्था गम्भिर रहेको जिल्ला प्रहरी कार्यालय कास्कीका प्रवक्ता सुवास हमालले जानकारी दिए ।
उनका उनुसार ७–८ जनाको अवस्था गम्भिर छ । डाक्टरले भनेपछि मात्रै यथार्थ विवरण आउने उनले बताए । ‘एक टोली घटना स्थल पुगिसकेको छ ।
म पनि त्यतै जादैँ छु’ उनले भने । १० जना सवार जिप दुर्घटना हुदाँ ८ जनाको घटनास्थलमै मृत्यु भएको जानकारी आएपनि हमालले भने डाक्टरको रिर्पोट आएपश्चात आधिकारीक हुने बताए ।
‘अहिले यसै भन्न मिल्दैन् । अस्पताल लगेपछि मात्रै थाहा हुन्छ, ६–७ जनाको अवस्था निकै गम्भिर भन्ने कुरा आएको छ ।’
हरिचोकबाट छुटेको ग १ ज ६९०० नम्बरको बोलेरो जीप घान्द्रुकको कलाभीरमा दुर्घटनामा परेको हो । जीपमा चालक सहित १० जना यात्रु सवार थिए ।
