पोखरा – राष्ट्रिय टिमका फरवार्ड अञ्जन विष्टलाई सहारा क्लब पोखराले वर्ष उत्कृष्ट खेलाडी २०७८ बाट सम्मान गरेको छ ।
नेपाली फुटबल खेलको विकासमा लाग्ने खेलाडीको सम्मान स्वरुप क्लबले वर्षेनी प्रदान गर्दै आएको वर्ष उत्कृष्ट खेलाडी पुरस्कारबाट यो वर्ष भने विष्टलाई सम्मान गरिएको हो ।
उनलाई नगद ३५ हजार रुपैँया, दोसल्ला तथा सम्मानपत्रले सम्मान गरिएको हो । उक्त सम्मानबाट भरत खवास, किरण चेम्जोङ र सुजल श्रेष्ठ सम्मानित भइसकेका छन् ।
