पोखरा, २३ साउन–राष्ट्रिय फुटबल टोली यु–२० का सदस्य सुमित श्रेष्ठलाई पोखरामा सम्मान गरिएको छ ।
भारतमा भएको साफ यु–२० पुरुष च्याम्पियनसिप खेलेर स्वदेश फिर्ता भएका श्रेष्ठलाई युनाइटेड बगरले स्वागतसहित सम्मान गरेको हो ।
उनलाई युनाइटेड बगरले खादा तथा सम्मानपत्रले सम्मान गरिएको हो । सो अवसरमा बोल्दै श्रेष्ठले राष्ट्रको नाममा खेल खेल्ने सपना पुरा भएको बताए । उनले आगामी दिनमा झन उत्कृष्ट खेल प्रर्दशन गरेर जाने बताए ।
यसैगरि युनाइटेड बगरका संरक्षक तथा पूर्व राष्ट्रिय फुटबल खेलाडी इश्वर गुरुङले श्रेष्ठलाई पोखरामा स्वागत गर्दै बधाई ज्ञापन गरे । उनले आगामी दिनमा अझ खेललाई परिस्कृत गर्दै अगाडी बढ्नुपर्नेमा समेत जोड दिएका थिए ।
सम्मानित श्रेष्ठ यसअघि नेपाली राष्ट्रिय फुटसल टिमबाट समेत डेब्यु गरिसकेका छन् ।
उक्त स्वागत तथा सम्मान कार्याक्रममा फुटबलर, रन्दिप पौडेल, फुटबलर अञ्जन देवकोटा, फुटसलका ए डिभिजन खेलाडी सुदिप सुनार लगायतको उपस्थिति रहेको थियो ।
