पोखरा/ माछापुच्छे्र भलिबल संघको आयोजन ामा पहिलो पटक गण्डकी प्रदेश अन्तरपालिका स्तरीय पुरुष भलिबल प्रतियोगिता ‘माछापुच्छे्र गाउँपालिका कप–२०७९’ हुने भएको छ ।
माछापुच्छे्र गाउँपालिका वडा नम्बर २ भुर्जङखोला स्थित भलिबल कोर्टमा भदौ ३० गतेदेखी प्रतियोगिता आयोजना हुन लागेको हो ।
माछापुच्छे्र गाउँपालिकाका आर्थिक सहयोगमा प्रतियोगिताको आयोजना गरिएको आइतबार आयोजित पत्रकार सम्मेलनमा अध्यक्ष राम पुनले जानकारी दिए ।
उनले गण्डकीका ८६ वटै पालिकालाई आमन्त्रणस समेत गरिएको बताए । प्रतियोगिताबारे जानकारी दिदैँ संघका सचिव मोहनसिंह तामाङले विजेताले नगद २ लाख रुपैयाँ पुरस्कार प्राप्त गर्ने बताए ।
उनका अनुसार दोस्रो हुने टिमले १ लाख २० हजार रुपैयाँ र सेमिफाइनलमा पुगेर होर्न २ टिमलाइ समान ३०÷३० हजार रुपैयाँ प्रदान गरिने छ ।
यस्तै विधागत उत्कृष्ट खेलाडीले समान ७÷७ हजार रुपैयाँ प्राप्त गर्ने उनले बताए । सोही क्रममा बोल्दै गाउँपालिका उपाध्यक्ष सीता अधिकारीले पालिकालाइ खेलकुदको माध्यमबाट समेत चिनाउनका लागि प्रतियोगिताको आयोजना गरिएको बताइन् ।
उनले प्रतियोगिता सम्पन्न गर्नका लागि सबैमा अनुरोध समेत गरिन् । यस्तै गाउँपालिकाका अध्यक्ष मिन बहादुर गुरुङले यस अघि गण्डकी प्रदेश सरकारले योजना बनाएपनि नसकेको र गाउँपालिकाले ८६ वटै पालिकाबीच प्रतियोगिता गर्ने योजना अनुरुप आयोजना गरेको बताए ।
उनले सम्पूर्ण व्यवस्थापनदेखी प्रतियोगिता समापनसम्मको जिम्मा माछापुच्छे्र गाउँपालिका भलिबल संघलाइ दिएको बताए ।
उनले गण्डकी प्रदेश भित्ररहेका सबै पालिकालाइ पत्राचार गरि प्रतियोगितामा सहभागिता गराउन आफुले संघलाइ अनुरोध गरेको समेत बताए । प्रतियोगिता भदौ ३० देखी असोज १ गतेसम्म सञ्चालन हुनेछ ।
