पोखरा /गण्डकी प्रदेशले नवौं राष्ट्रिय खेलकुद प्रतियोगिता अन्तर्गत महिला फुटबलमा विजयी सुरुवात गरेको छ । गण्डकीकी उद्या थापाले दुई गोल गर्दा गण्डकीले सहज जित निकालेको हो ।
वालिङ स्थित फुटबल मैदानमा जारी प्रतियोगिता अन्र्तगत शुक्रबार भएको खेलमा गण्डकीले कर्णाली प्रदेशलाई ३–० गोल अन्तरले पाखा लगायो ।
खेलको ३३ औं मिनेटमा गण्डकीकी शान्ती नेपालीले गोल गर्दै टोलीलाई अग्रता दिलाइन् । पहिलो हाफमा १–० को अग्रता लिएको गण्डकीले दोस्रो हाफमा थप दुई गोल गर्दै सहज जित निकालेको हो ।
गण्डकीका लागि उद्या थापाले ५८ औं मिनेटमा गोल गर्दै अग्रता दोब्बर पारिन् । उनले खेलको ६६ औं मिनेटमा व्यक्तिगत दोस्रो गोल गर्दै टोलीलाई ३–० को स्थितिमा पु¥याइन् ।
