पोखरा/पुरुष भलिबलमा विभागीय टिम त्रिभुवन आर्मी र एपीएफ फाइनलमा पुगेका छन् । पोखरा रंगशालामा भलिबल कोर्टमा बुधबार साविक विजेता पुलिसलाई हराउँदै्र विभागीय डर्बीमा आर्मीले बाजी मा¥यो । एपीएफले घरेलु टिम गण्डकी प्रदेशलाई हरायो ।
सेमिफाइनलमा आर्मीले ३–१ को सेटमा पुलिसलाई पराजित गरेको हो । आर्मीले पहिलो सेट २५–१८ ले आफ्नो पक्षमा पा¥यो । दोस्रो सेट भने २१–२५ ले पुलिसलाई सुम्पियो ।
तेस्रो र चौंथो सेट क्रमशः २५–२३ र २५–१९ ले जित हात पार्दै आर्मीले उपाधि दाबेदारको यात्रा तय ग¥यो । घरेलु मैदानमा खचाखच दर्शकको साथ पाउँदापाउँदै गण्डकी फाइनलबाट बञ्चित हुन पुग्यो ।
विभागीय टिम एपीएफसँग गण्डकीले तीनवटै सेट गुमायो । एपीएफले २५–२१ ले पहिलो सेट ल्याउँदा दोस्रो सेटको जित भने कठिनपूर्ण बन्यो ।
प्रतिस्पर्धात्मक दोस्रो सेट २७–२५ ले गण्डकीलाई पराजित ग¥यो । तेस्रो सेटमा गण्डकीको खेल खस्किँदा एपीएफले २५–१२ मै समेट्यो ।
राष्ट्रिय खेलकुद प्रतियोगिताको अन्तिम दिन बिहीबार पुरुष भलिबलको फाइनलमा विभागीय डर्बीमा प्रतिस्पर्धा हुने छ ।
