पोखरा/ सहारा क्लब पोखराको आयोजनामा जारी २२ औं आहा रारा पोखरा गोल्डकपमा चर्च ब्वाइजले मछिन्द्रलाई ३–१ ले हराएको छ ।
पोखरा रंगशालास्थित फुटबल मैदानमा भएको क्वाटरफाइनल खेलमा चर्च ब्वाइजका दुई आषिस नायक बने । चर्च ब्वाइजका आसिष चापागाईँले दुई र आसिष चौधरीले एक गोल गर्दै चर्च ब्वाइजलाई सेमीफाइनलको यात्रा तय गराएका हुन् ।
२३ औं मिनेटमा चापागाईले गोल गर्दै अग्रता दिलाए । पहिलो हाफमा थप गरिएको चारमिनेटको समयमा उनले व्यक्तिगत दोस्रो गोल गरे ।
यस्तै चौधरीले खेलको ६४ औं मिनेटमा गोल गरे । आसिष चापागाईँ खेलको म्यान अफि दी म्याच घोषित भए ।
