पोखरा / संकटा क्लब पोखरामा जारी आहा रारा पोखरा गोल्डकपका फाइनलमा प्रवेश गरेको छ ।
सहारा क्लब पोखराको आयोजनामा पोखरा रंगशालामा जारी प्रतियोगिताको पहिलो सेमिफाइनल खेलमा साविक विजेता एपिएफलाई ४–१ ले हराउँदै सानदार जित सहित फाइनल प्रवेश गरेको हो ।
२०७७ सालमा एपिएफलाई नै सेमिफाइनलमा २–० ले हराउँदै फाइनल प्रवेश गरेको संकटाले पुनः एपिएफलाई नै हराएको हो ।
संकटाको जितमा मेस्सुके र स्टेफनले समान दुई दुई गोल गरे । एपिएफका लागि हरि कार्कीले गोल गरे ।
मेस्सुकेले खेलको ४३ औं र ८६ औं मिनेटमा गोल गरे । स्टेफन विनोङले पाँचौं र ६१ औं मिनेटमा गोल गरे ।
स्टेफन खेलको म्यान अफ दि म्याच समेत घोषित भए । एपिएफ गत वर्षको आहा गोल्डकप विजेता हो ।
