पोखरा / पोखरामा जारी टाइगरकप भलिबल च्याम्पियनसिपमा घरेलु टोली गण्डकीले पाहुना टोली श्रीलंकाको सेन्ट जोसेफ वाज स्पोट्र्सलाई हराउँदा पुलिस क्लब सेमिफाइलमा प्रवेश गरेको छ ।
पुरुष तर्फ आज भएको लिगचरणको अन्तिम दोस्रो खेलमा गण्डकीले श्रीलंकन क्लबलाई ३–० को सोझो सेटमा हराउँदै सेमिफाइनलको यात्रा तय गर्दा नेपाल पुलिस क्लबलाई फाइदा भएको हो ।
गण्डकीले २६–२४, २५–१४ र २५–२३ ले हराएको हो । गण्डकीको चार खेलबाट ८ अंक सहित तालिकाको दोस्रो स्थानमा रहेको छ ।
पाहुना टोली भने जित विहिन रहँदै एक अंकका साथ बाहिरिएको छ ।
लिगचरणको अन्तिम खेलमा पुलिसले अबको केहि समयमा आर्मीको सामना गर्दैछ ।
आर्मीको ३ खेलबाट चार अंक रहेको छ भने पुलिसको तिन खेलबाट २ अंक रहेको छ ।
