दमौली / तनहुँ-१ बाट नवनिर्वाचित प्रतिनिधि सभा सदस्य स्वर्णिम वाग्लेले तनहुँका मतदाताले आफुलाई लगाएको गुन तनहुँको विकास गरेर तिर्ने बताएका छन् ।
निर्वाचित भएको प्रमाणपत्र ग्रहण गर्दै वाग्लेले तनहुँ र देशको विकास र समृद्धिको लागि काम गरेर मतदाताले आफुलाई लगाएको को गुन तिर्ने बताए ।
आफूले तनहुँको मात्र नभई देश विकासका मुद्दा उठाउने बताए । ‘स्थानीयमात्र नभई देशको मुद्दासमेत उठाउनेछु,’ उनले भने, ‘जनताले दिएको मतको गुन यहाँको विकास गरेर तिर्नेछु ।’ सांसद वाग्लेले आफूले तनहुँले गर्व गर्न लायक काम गर्ने प्रतिबद्धता जनाए ।
