पोखरा / पोखराको फुस्रे खोलामा शनिवार पौडी खेल्ने क्रममा डुबेर पोखरा- १५ नयाँगाउँका १५ वर्षीय रोनिश गुरुङको मृत्यु भएको छ ।
पोखरा- १७ पावरहाउसस्थित फुस्रे खोलामा पौडी खेल्ने क्रममा दिउँसो साढे ३ बजे उनी डुबेर बेपत्ता भएको खबरपछि उद्धारका लागि प्रहरी पुगेको थियो ।
वडा प्रहरी कार्यालय बैदामबाट प्रहरी निरीक्षक हरिप्रसाद पौडेलको कमाण्डमा १० सदस्यीय उद्धार टोलीले उनलाई फेला पारी गण्डकी अस्पताल लगेकोमा चिकित्सकले मृत घोषणा गरेका थिए ।
