नवलपु्र / कालीगण्डकीमा डुवेर वेपत्ता भएका गैंडाकोटका एक युवकको शव फेला परेको छ । शनिवारदेखि हराएका गैडाकोट– २ शिलान्यास चोकका २५ बर्षीय रमेश चालिसेको शव गैडाकोट–१ बृटिस क्यामस्थित नारायणी किनारमा ३ दिन पछि फेला परेको हो ।
ति युवकको शव घटनास्थलदेखि करिव ३ किलोमिटर तल भेटिएको हो । शनिवार पौडी खेल्न कालीगण्डकी नदीस्थित केलादी घाटमा ३ जना साथीहरू गएका थिए ।
तीमध्ये २ जना डुबेर बेपत्ता भएकामा चितवनको रत्ननगरका एक युवाको शव आइतबार घटनास्थल नजिकै भेटिएको थियो भने बाग्लुङका एक युवक सकुशल थिए ।
यसैगरी, मध्यविन्दु नगरपालिका वडा नं. १४ बतासास्थित मुखे ढुंगा पानी को रहमा डुवेर एक शिक्षकको ज्यान गएको छ ।
गर्मी छल्न सात जना साथीहरूसंग पौडी खेल्न गएका देवचुली–१५ प्रगतिनगरका ३० वर्षका कृष्ण सुबेदीको मृत्यु भएको जिल्ला प्रहरी कार्यालय नवलपुरले जनाएको छ ।
सुवेदी मध्यविन्दु १० अरुणखोलाको जनता मा.वि. मा अध्यापन गर्ने शिक्षक हुन् ।
