आईसिसि विश्वकप छनोट क्रिकेटमा अमेरिका ४९ ओभरमा अलआउट हुन पुगेको छ । टस हारेर ब्याटिङको निम्तो पाएको अमेरिकाको सुरुवात खराब भएपनि मध्यक्रमको ब्याट्सम्यान चम्कदा इनिङ उकासेको थियो । नेपालका गुल्सन झाले अन्तिम विकेटको रुपमा क्ले फिलिपलाई शुन्यमै एलवि डब्लु आउट गरेसँगै अलआउट भएको हो । अमेरिकाले २०७ रन जोड्न सफल रह्यो ।
अमेरिकाका लागि सायान जाहाङगिर शतकमा अविजित रहे । उनले ७९ बलमा १० चौका र ३ छक्का प्रहार गर्दै अमेरिकाको इनिङ उकासे ।
अमेरिकी ओपनर स्टेभेन टेलर ४ रनमै एलबी डब्लु आउट भए । उनले ९ बलमा १ चौका प्रहार गरे ।
सुशान्त मोदानी ४२ रनमा बोल्ड आउट भए । उनले ७१ बलमा ३ चौका र १ छक्का प्रहार गरे ।
साईतेजा मुक्कामल्ला शुन्यमै क्याच आउट भए । कप्तान आरोन जोनेश दुई रनमा आउट भए । नोसतुस केन्जिगे १ रनमा आउट भए । गजानन्द सिंह २६ रनमा आउट भए । उनले ४१ बलमा २ चौका र १ छक्का प्रहार गरे । निसार्गे पटेल ८ रनमा आउन भए । जेस्से सिंह १२ रनमा आउट भए ।
नेपालका लागि करन केसीले ७ ओभरमा ३ मेडन सहित ११ रन खर्चेर ४ विकेट लिए । गुल्सन झाले ३ विकेट लिए । दिपेन्द्र सिंह ऐरीले २ र ललित राजवंशीले एक विकेट लिए ।
अब नेपालले केहि बेरमा ब्याटिङ थाल्ने छ ।