तनहुँ / जिल्लाको व्यास नगरपालिका–१० स्थित मादी नदीमा शनिवार एक पुरुषको शव फेला परेको छ ।
बैरेनीस्थित मादी नदी किनारमा तैरिरहेको अवस्थामा पुरुषको शव फेला परेको प्रहरीले जनाएको छ ।
अन्दाजी ५० वर्षजस्तो देखिने ती व्यक्तिको पहिचान हुन नसकेको जिल्ला प्रहरी कार्यालय तनहुँले जनाएको छ ।
स्थानीयवासीले शव देखेपछि प्रहरीलाई खबर गरेका थिए । शवको सनाखतका लागि प्रयास भइरहेको प्रहरीको भनाइ छ ।
अहिले शवलाई दमौली अस्पतालमा राखिएको छ ।
