पोखरा / यूवा संघ नेपाल खेलकुद विभागले राष्ट्रियस्तरको खुल्ला पुरुष व्याडमिन्ट प्रतियोगिता गर्ने भएको छ ।
सोमबार काठमाडौंमा सम्पन्न संघको बैठकले भदौको दोस्रो साता खुल्ला व्याडमिन्टन प्रतियोगिताको आयोजना गर्ने निर्णय गरेको खेलकुद विभाग अध्यक्ष सम्पन्न श्रेष्ठले जानकारी दिए ।
युवा संघ खेलकुदको क्षेत्रमा समेत अघि बढ्दै खेल प्रतियोगिताहरुलाई अघि बढाएको उनको भनाइ छ । प्रतियोगिताको प्रथम हुनेले १ लाख ५१ हजार रुपैयाँ, दोस्रो हुनेले १ लाख १ हजार तथा तेस्रो हुनेले ५० हजार रुपैयाँ नगद प्राप्त गर्नेछन् ।
बैठकले विभागका अध्यक्ष श्रेष्ठको अध्यक्षतामा १५ सदस्यिय आयोजक समिति गठन गर्नुका साथै विभागको सचिवमा सुवास विष्टलाई मनोनयन गरेको छ ।
त्यसै गरी बैठकले विभागको सदस्यमा गोकुल गुरुङ, रुपेश श्रेष्ठ, मनिष सेढाई, प्रदिप पाण्डे, विक्रम श्रेष्ठ, अशोक कुमार अर्याल र सागर भट्टलाई मनोनयन गरेको छ ।
