म्याग्दी / कीर्तिमानी पर्वतारोही निर्मल पुर्जाले गैरआवासीय नेपाली नागरिकता लिएका छन्। विश्वका ८ हजार मिटर उचाइका १४ वटै हिमाल ६ महिना ६ दिनभित्र चढेर कीर्तिमान बनाएका पुर्जाले बिहीबार म्याग्दी जिल्ला प्रशासन कार्यालयबाट नागरिकता लिएका हुन्।
उनलाई प्रमुख जिल्ला अधिकारी तुलसीराम पाैडेलले नागरिकता हस्तान्तरण गरे।
म्याग्दीको दानामा जन्मेका पुर्जाले १६ वर्ष बेलायती गोर्खा सेना र युके स्पेसल फोर्समा सेवा गरेका छन्। पुर्जाले हिउँद याममा विश्वको दोस्रो ठूलो हिमाल केटु चढ्ने पहिलो नेपाली टोलीको सदस्यका रूपमा पनि कीर्तिमान बनाएका छन्।
