म्याग्दी/नेपाल विद्यार्थी संघ (नेविसंघ) म्याग्दीलेत्रिभुवन विश्वविद्यालयको उपकुलपतिमा खुला प्रतिस्पर्धाबाट नियुक्त गर्न माग गरेको छ । त्रिभुवन विश्वविद्यालयबाट नै राजनीतिक भागबन्डाको अन्त्य गर्ने माग गदैं नेपाली कांग्रेसको विद्यार्थी संगठन नेविसंघ म्याग्दी बहुमुखी क्याम्पस मुल इकाईको आयोजनामा ४३ जना विद्यार्थीले प्रधानमन्त्री पुष्पकमल दाहाललाई ज्ञापन पत्र पठाएका छन् ।
नेविसंघ केन्द्रीय सदस्य निर्मलद्धय निर्मल खत्री, सुजता खत्री, क्याम्पस मुल इकाइ उपसभापति शिव श्रेष्ठलगायतले सहायक प्रमुख जिल्ला अधिकारी धिरेन्द्र पन्तमार्फत् प्रधानमन्त्रीको कार्यालयमा त्रिविको उपकुलपति खुला प्रतिस्पर्धाबाट नियुक्ति गर्न माग गदैं ज्ञापनपत्र पठाइएको छ ।
विश्वविद्यालयबाट राजनीतिक भागबण्डा अन्त्य गदैं योग्यता दक्षता र अनुभवमा आधारित खुला प्रतिस्पर्धाबाट नियुक्ति नभए थप आन्दोलनको घोषण गर्ने समेत विद्यार्थीले चेतावनी दिएका छन् । विश्वविद्यालयलाई दलीयकरण र राजनीतिक भागबण्डाबाट मुक्त गर्न नेपाल विद्यार्थी संघले चरणबद्ध दवाव दिइरहेको नेपाल विद्यार्थी संघले जनाएको छ ।