बागलुङ/ एभरेष्ट कप अन्तर बिद्यालयस्तरीय फुटसल प्रतियोगिताको उपाधि आदर्श विद्यामन्दिर माध्यमिक विद्यालयले जितेको छ ।
आदर्शले शनिबार भएको फाइनल खेलमा सिद्धार्थ शिक्षा सदनलाई २–१ गोल अन्तरले पराजित गर्दै उपाधि जितेको हो । प्रतियोगितामा १४ विद्यालयका १७ टिमको सहभागिता थियो ।
रस आवर फुटसल गुठीको खेल मैदानमा सञ्चालन भएको प्रतियोगितामा विजेता र उपविजेता समूहलाई क्रमशः १२ हजार ७ सय ७७ रुपैयाँ र ७ हजार ७ सय ७७ रुपैयाँसहित ट्रफी मेडल र प्रमाणपत्र प्रदान गरिएको छ ।
न्यू एभरेष्ट एकेडेमी बागलुङको बार्षिकोत्सव तथा अभिभावक दिवसको पूर्वसन्ध्यामा (आधारभूत तह कक्षा ७) विद्यालयस्तरीय फुटसल प्रतियोगिता आयोजना गरिएको हो ।
विद्यार्थीमैत्री वातावरणमा सिर्जनात्मक र रचनात्मक आन्तरिक खेलसहित साँस्कृतिक नृत्य प्रतियोगिता र अन्तर माविस्तरीय हाजिरीजवाफ प्रतियोगिता आयोजना गरेको विद्यालयले जनाएको छ ।
विद्यालयले आयोजना गर्ने यस वर्षको वार्षिकोत्सब माघ ५ गते मुल समारोहका बिच समापन हुनेछ ।
