पोखरा/ लमजुङको दूधपोखरी गाउँपालिकाका पूर्वअध्यक्ष एवं कांग्रेस नेतृ छुपीमाया गुरुङको ५८ वर्षको उमेरमा मंगलबार बिहान निधन भएको छ । पाठेघरको क्यान्सरबाट ग्रसित गुरुङलाई उपचारका लागि चितवन लैजाँदै गर्दा बाटोमै निधन भएको हो ।
मलुक संघीयतामा गएसंगै २०७४ को पहिलो स्थानीय तहको निर्वाचनमा उनी दूधपोखरी गाउँपालिका अध्यक्षमा निर्वाचित भएकी थिइन् । उनको घर दूधपोखरी– ५ कोल्की हो । चितवनको क्यान्सर अस्पतालमा उनको उपचार हुँदै आएको थियो । गाउँमै बस्दै आएकी उनलाई सोमबार राति च्यापेपछि चितवन लैजाने क्रममा बाटोमा निधन भएको हो ।
छुपीमाया कांग्रेस गण्डकी प्रदेश समिति सदस्य, नेपाली कांग्रेस महासमिति सदस्य हुन् । अविवाहित छुपिमाया गाउँमा दाजुसँगै बस्थिन् ।
