काठमाडौँ/  नेपाल समाजवादी पार्टी (नयाँ शक्ति) को पहिलो महाधिवेशनबाट अध्यक्षमा बाबुराम भट्टराई निर्वाचित भएका छन् । भट्टराइले अध्यक्षका अर्का प्रत्यासी नेत्र चापागाईंलाई पराजित गरेका हुन् ।

यसअघि २ उपाध्यक्षसहित २० केन्द्रीय सदस्य निर्विरोध निर्वाचित भइसकेका छन् । ९९ सदस्यीय केन्द्रीय समितिमा पदाधिकारीसहित ७९ पदका लागि मतदान भएको थियो । निर्वाचन परिणाम भने केही समयपछि पत्रकार सम्मेलनमार्फत सार्वजनिक गरिने उक्त पार्टीले जनाएको छ । गत आइतबारदेखि प्रज्ञा भवनमा नयाँ शक्तिको महाधिवेशन सुरु भएर नेतृत्व चयनका लागि निर्वाचन भएको थियो । यसअघि महाधिवेशनको बन्दसत्रबाट भट्टराईले पेस गरेको राजनीति तथा सांगठनिक प्रतिवेदन अनुमोदन भएको थियो ।