बागलुङ/पश्चिम बागलुङको बडिगाड गाँउपालिका वडा नं. ७ भिमगिठेमा बस र पिकअप जिप एकआपसमा ठोकिंदा पाँच जना घाइते भएका छन् ।
विपरित दिशामा गुडिरहेका बस र पिकअप जिप एकआपसमा ठोकिंदा गलकोट नगरपालिका वडा नं. ८ का श्याम सुनार, नविन गलामी, टिकाराम कामी, अनिल श्रीस र विज्ञान गलामी घाइते भएका छन् । उनीहरुको अनुहार र हातमा चोट लागेकोले स्थानीय स्वास्थ्य संस्थामा उपचार चलिरहेको बडिगाड गाउँपालिकाका नगर प्रहरी हवल्दार कमल रानाले जनाकारी दिए ।
बुर्तिबाङबाट बुटवल जाँदै गरेको लु १ ख ८२८६ नम्बरको बस र गलकोटबाट बोबाङतर्फ जाँदै गरेको घ १ ज ४२० नम्बरको पिकअप जिप एक आपसमा ठोकिएका हुन् । प्रहरीले पिकअप चालक कृष्णबहादुर खत्री र बस चालक श्याम बहादुर रजौंलीलाई नियन्त्रणमा लिएको छ । बसमा नौ र जिपमा सात जना सवार थिए ।
