पोखरा/ पोखराको घारीपाटनस्थित हिमालयन बोर्डिङ स्कुलका २ छात्राले माध्यामिक शिक्षा परीक्षा (एसइई) मा ४ जिपिए ल्याएका छन् । छात्राद्वय सोनिया गुरुङ र रोसिका न्यौपानेले ४ जिपिए ल्याएका स्कुलले जनाएको छ ।
यस्तै ३२ जनाले ए प्लस, ८ जनाले ए र एक जनाले बि प्लस ग्रेड ल्याएका छन् । विद्यालयका प्रिन्सिपल डा. टेकनारायण पौडेलले विद्यालयले पहिलो पटक एसइईमा ४ जिपिए ल्याएको बताए । ‘यो नतिजा आकस्मिक नभई निरन्तरको मिहेनत, अनुशासन, समर्पण र सकारात्मक शैक्षिक वातावरणको परिणाम हो । हिमालयन बोर्डिङ स्कुल सधैं विद्यार्थीको समग्र विकासमा विश्वास गर्छ । जहाँ ज्ञानसँगै नैतिकता, आत्मविश्वास र सामाजिक जिम्मेवारी पनि सिकाइन्छ,’ उनले भने ।
