बागलुङ/बागलुङ नगरपालिका वडा न. ३ का वडा अध्यक्ष सनी केसीले पदबाट राजीनामा दिएका छन् । मंगलबार सामाजिक सञ्जाल फेसबुकमार्फत पछिल्लो समय देशको घट्नाक्रमले दुःखी बनाएको बताउँदै केसीले राजीनाको घोषणा गरेका हुन् । केसीले मंगलबारनै नगरपालिका प्रमुख बसन्त कुमार श्रेष्ठलाई राजीनामा बुझाउन गएपनि नभेटेको र पालिका पनि बन्द रहेकोले पालिका खुल्दाको दिन हस्तान्तरण गर्ने बताए । उनले नेपाली कांग्रेस पार्टीको जिम्मेवारीबाट समेत अलग भएको घोषणा गरेका छन् ।
