पोखरा/कम्प्युटर एसोसियसन( क्यान) महासंघ कास्कीले जिल्ला प्रहरी कार्यालय कास्कीलाई एक थान कम्प्युटर हस्तान्तरण गरेको छ । जेनजी आन्दोलनको क्रममा भवनसहित त्यहाँ रहेका सवैजसो संरचना जलेर ध्वस्त भएपछि क्यानले प्रहरीलाई कम्प्यूट हस्तान्तरण गरेको हो ।
पोखरा उद्योग वाणिज्य संघका अध्यक्ष गोकर्ण कार्कीसहित पदाधिकारी र सदस्य एवं क्यान महासंघ कास्कीका पूर्वअध्यक्ष,पदाधिकारी र कार्यसमिति सदस्यहरुसहित अध्यक्ष पुरुषोत्तम कुँवरले प्रहरीलाई कम्प्युटर हस्तान्तरण गरेका हुन् ।
