काठमाडौं / काठमाडौं क्षेत्र नम्बर-३ को मतगणनामा राष्ट्रिय स्वतन्त्र पार्टी (रास्वपा) का उम्मेदवार राजुनाथ पाण्डेले अग्रता लिएका छन्। उनले उज्यालो नेपाल पार्टीका उम्मेदवार कुलमान घिसिङलाई पछि पारेका हुन्।
सार्वजनिक पछिल्लो मतपरिणाम अनुसार पाण्डेले २ हजार ९ सय ६० मत प्राप्त गरेका छन्। उनलाई पछ्याइरहेका घिसिङले २ हजार ७० मत पाएका छन्। यस क्षेत्रमा प्रमुख राजनीतिक दलहरू भने निकै पछाडि देखिएका छन्। नेपाली कांग्रेसका उम्मेदवार रमेश अर्याल ५ सय ८३ मतसहित तेस्रो स्थानमा छन्।
नेकपा एमालेका उम्मेदवार रामेश्वर फुयालले ४ सय ५६ मत मात्र प्राप्त गरेका छन्। राष्ट्रिय प्रजातन्त्र पार्टी (राप्रपा) का सुन्दर राम बोहोराले ७३ मत र नेपाली कम्युनिष्ट पार्टीका निरज लामाले ४९ मत प्राप्त गरेका छन्।
