पोखरा /पोखराको चाउथेस्थित पोखरा पब्लिक स्कुलका २ जना विद्यार्थी रोनिस खत्रीर सक्षम पौडेलले माध्यमिक शिक्षा परीक्षा (एसइई) मा उच्चतम् ४ जिपिए ल्याएका छन् । विद्यालयका संस्थापक प्राचार्य कृष्ण केसीका अनुसार पोखरा १४ हबेली मार्गका खत्री र भूमेश्वर मार्गका पौडेलले नर्सरीदेखि नै सोही विद्यालयमा अध्ययन गरेका थिए ।
यस वर्ष विद्यालयबाट एसइईमा ६४ विद्यार्थी सहभागी भएकामा १७ जनाले ३.६१ देखि ४ जिपिए ल्याए । त्यसैगरी २७ जनाले ३.२१ देखि ३.६० जिपिए, २० विद्यार्थीले २.८१ देखि ३.२० जिपिए ल्याएका विद्यालयले जनाएको छ । विसं २०७१ मा सोही स्कुलका सागर काफ्ले कास्की जिल्ला प्रथम भएका थिए । यस्तै विसं २०७२ मा सन्देश तिमिल्सिना जिल्ला प्रथम हुनुका साथै नेपालभरबाटै द्वितीय भएका थिए ।
