बागलुङ/दरमखोलामा आएको बाढीले पश्चिम बागलुङको गलकोट नगरपालिकाका २२ घरमा क्षति पु¥याएको छ । नगरपालिकाले तयार गरेको प्रारम्भिक क्षतिको विवरणअनुसार बाढीले घर, गोठ तथा विभिन्न व्यवसायमा क्षति पुगेको हो ।
बाढीले गलकोट नगरपालिका–५ हरिचौर र ६ चरौंदीमा सबैभन्दा बढी क्षति पु¥याएको छ । बाढीले चरौंदीका यमकुमारी सुवेदीको दुई घरमा क्षति पु¥याउँदा बस्नै नसक्ने अवस्थामा पुगेका छन् । यस्तै हरिचौरका दलबहादुर घर्तीको घर तथा गोठमा क्षति पुग्नुका २ रोपनी खेतको धानसमेत बाढीले बगाएको विवरणमा उल्लेख छ ।
हरिचौरकै वीरबहादुर सुनारको घर खोलामा डुबेको, गुम्मा कार्कीको घरको पिल्लरमा क्षति पु¥याउँदा बस्नै नमिल्ने बनेको छ । ‘‘खोला आसपासमा रहेका अधिकांश घरमा बाढीले क्षति गरेको छ’’ गलकोट नगरपालिकाका नगर प्रमुख भरत शर्मा गैरेले भने ।
बाढीका कारण दरमखोला किनारका होटल तथा रेस्टुरेन्ट व्यवसायसमेत प्रभावित भएका छन् । बाढीले चरौंदीस्थित स्काइ म्युजिक रेस्टुरेन्टमा क्षति पु¥याउँदा सञ्चालन गर्नै नसकिने अवस्थामा रहेको छ । गलकोट–३ हटिया बजारस्थित होमबहादुर थापाको रेस्टुरेन्टसहितको स्विमिङ पुलमा समेत बाढीले क्षति पु¥याएको छ ।
