बाग्लुङ ,३० बैशाख – जैमिनी नगरपालिका ८ छिस्ती जुङ्गमा बाटो खन्ने क्रममा पहिरो खस्दा डोजर चालक सामान्य घाईते भएका छन् ।
सोमबार बिहान ७ बजे साविक छिस्ती गा.वि.स वडा न. ४ स्थित होपधेँरो सडक खण्ड निमार्ण गर्ने क्रममा एक्कासी आएको सुक्खा पहिरो खस्दा ना १ क ६७४३ नम्बरको एक्सभेटर डोजर पूर्ण क्षती भएको छ ।
मकवानपुर हेटौडाका डोजर चालक ज्ञानु लामा तितुङ सामान्य घाईते भएको जैमिनी १० पाहीका दान बहादुर थापाले जानकारी दिए। माटोमा पुरिरहेका घाईते लामालाई स्थानीय औजारको सहाराले उद्धार गरिएको थापाले बताए ।
उद्धार पश्चात घाईते लामालाई उपचारको लागि पोखरा ल्याउदै गरेको स्थानीय विष्णु भण्डारीले जानकारी दिएका छन् ।
