बागलुङ, ७ चैत – सवारी दुर्घटनामा गंभीर घाइते भई उपचाररत नेपाल बंगलादेश बैंक बागलुङ शाखा प्रबन्धक विकास पौडेलको उपचारमा सहयोग पु¥याउने उदेश्यले जिल्लामा कार्यरत बैंर्कसहरुले आर्थिक सहयोग गरेका छन् ।
बैंकर्स एशोसियसन बागलुङको पहलमा जिल्लामा सञ्चालनमा रहेका २७ वटा बैंकमा कार्यरत बैंकर्सहरुबाट संकलन गरिएको १ लाख ९८ हजार २ सय रुपैयाँ उपचाररत पौडेलको परिवारलाई प्रदान गरिएको एशोसियसनका सदस्य तथा सेञ्चुरी बैंकका शाखा प्रवन्धक दिपक शर्माले जानकारी दिए । सहकर्मीलाई अप्ठ्यारो पर्दा पेशागत र मानवीय सेवाभावले सहयोग प्रदान गरिएको प्रबन्धक शर्माले बताए ।
प्रबन्धक पौडेल मरेपिपलबाट रामरेखातर्फ जाँदै गर्दा मोटरसाईकल दुर्घटनामा परि गंभीर घाइते भएका थिए । घाइते पौडेलको ग्राण्डी हस्पिटल काठमाडौंमा उपचार भईरहेको छ ।
