बागलुङ, २८ असोज– बागलुङ बजारबाट कुश्मीशेरातर्फ जाँदै गरेको ग१च ९३१७ नम्बरको पिकअप भ्यान जैमिनी नगरपालिका–१ कुश्मीशेरामा दुर्घटना भएको छ । दुर्घटनामा परी पिकअप भ्यानमा सवार ७ जना घाईते भएका छन् । घाईते सबैको अवस्था सामान्य रहेको प्रहरी चौकी कुश्मीशेराले जनाएको छ । भ्यान प्राथमिक स्वास्थ्य केन्द्र कुश्मीशेरा नजिकैको सडकबाट २० मिटर तल खसेको थियो । घाईतेहरुको प्राथमिक स्वास्थ्य केन्द्र कुश्मीशेरामा उपचार भैरहेको छ ।
