काठमाडौं, ५ कात्तिक – पछिल्लो २४ घण्टामा थप ५ हजार ७४३ जनामा कोरोना भाइरस (कोभिड-१९) को संक्रमण पुष्टि भएको छ । देशभरका प्रयोगशालामा २० हजार ७४२ नमुना परीक्षण गर्दा उनीहरुमा संक्रमण पुष्टि भएको हो । नयाँ संक्रमितमध्ये ३ हजार १०७ जना काठमाडौं उपत्यकाका छन् । पछिल्लो २४ घण्टामा देशभर थप २९ सय ९६ संक्रमितहरू निको भएका छन् । योसँगै नेपालमा हालसम्म एकपटक कोरोना लागिसकेर निको हुनेहरूको कुल संख्या ९९ हजार ६०५ पुगेको छ । नेपालमा हाल ४४ हजार ६७६ जना सक्रिय संक्रमित छन् । आज १४ हजार ६७६ जना संस्थागत आइसोलेसनमा छन्भने बाँकी २९ हजार ८०० जना होम आइसोलेसनमा छन् । पछिल्लो २४ घण्टामा २० हजार ११८ जनको पिसिआर परीक्षण गरिएको पनि प्रवक्ता डा.जागेश्वर गौतमले बताए ।
