तनहुँ, १५ जेठ– केही दिनदेखी निरन्तर भैरहेको बर्षासँगै पहिरो खसेर घर पुरिँदा तनहुँमा एक बृद्धाको मृत्यु भएको छ । मृत्यु हुनेमा व्यास नगरपालिका–१ निर्मल नगर टोलकी ६२ बर्षीया सरस्वती घर्ती रहेकी छन् ।
गएराती १ बजे घर पछाडीको ठुलो ढुंगा खसेर घर भत्किदा पहिरोमा च्यापिएर ती वृद्धा घाईते भएको वडाध्यक्ष खरसिंह दरैले बताए । ‘त्यहाँबाट उद्धार गरेर अस्पताल लैजादा बाटोमै मृत्यु भएको हो’, उनले भने ।
ती बृद्धासहित ५ जनाको परिवार घरमा सुतिरहेका थिए । घर भत्किएपछि अन्य ४ जना भने भागेर ज्यान जोगाउन सफल भएको वडाध्यक्ष दरैले जानकारी दिए । ती चार जना शकुसल रहेका छन् । घरको पछाडी पट्टीको भाग पुर्ण रुपमा क्षति पुगेको छ ।